АПТАП ЫСТЫҚТА АБАЙ БОЛЫҢЫЗ!
Жаз мезгіліндегі аптап ыстық адам ағзасына айтарлықтай салмақ түсіреді. Осыған байланысты дәрігерлер тұрғындарды қарапайым сақтық шараларын сақтауға шақырады. Мамандардың айтуынша, күннің ең ыстық мезгілі - сағат 11:00 мен 17:00 аралығында мүмкіндігінше далада ұзақ жүрмеген жөн. Бұл уақытта күн сәулесінің әсері күшейіп, күн өту қаупі артады. Сондай-ақ, күні бойы жеткілікті мөлшерде су ішіп, жеңіл әрі ашық түсті киім киген дұрыс. Майлы және ауыр тағамнан бас тартып, көкөніс пен жеміс-жидекті көбірек тұтыну ұсынылады. Дәрігерлер әсіресе балаларға, жүкті әйелдерге, қарттар мен созылмалы ауруы бар азаматтарға ерекше сақ болуға кеңес береді.