ФУТБОЛШЫЛАР ҚҰРЫЛТАЙ САЙЛАУЫНДА
"Ақтөбе" футбол клубының ойыншылары өз таңдауларын жасады. Алтын орда шағын ауданында орналасқан №581 сайлау учаскесінде 2661 адам тіркеуде тұр. Команда мүшелері аталмыш сайлау учаскесіне бірге келіп, ел өміріндегі маңызды қоғамдық-саяси науқаннан шет қалмады. «Ақтөбе» футбол клубының ойыншысы Әділхан Таңжарықов та дауыс берді. Ол маңызды шараға ұлы Исматулланы ертіп келген. Ерекше көңіл-күй сыйлап, Тентек те келді.Футболшылар үшін алаңда ел намысын қорғаумен қатар, қоғамдық өміріне белсенді араласу да маңызды. Осылайша халықпен бірге азаматтық ұстанымдарын білдірді.