ӘСКЕРИ РЕФОРМА

Мемлекет басшысы Қасым-Жомарт Тоқаевтың төрағалығымен өткен Қауіпсіздік кеңесінің отырысында жаңа Әскери реформа жоспары мақұлданды. "Заманауи, ұтқыр әрі технологиялық армия құруды мақсат етуіміз тиіс" деген Президент енді әскери өмірдің екі кезеңге бөлінетіндігі туралы айтты. Әскерге шақырылушылар алғашқы алты айда оқу орталықтарында даярлықтан өтсе, келесі алты айда әскери бөлімдерде қызмет етіп, жауынгерлік дайындыққа және бөлімшелер құрамындағы тапсырмаларды орындауға басымдық береді.