ЗАҢ МЕН ТӘРТІП: ОҚУШЫЛАРҒА ЖАҢА КОНСТИТУЦИЯ НОРМАЛАРЫ ТҮСІНДІРІЛДІ

Жаңа оқу жылында облыс прокуратурасының қызметкерлері білім басқармасының мамандарымен бірігіп, ақпараттық-түсіндіру іс-шараларын қолға алды. Бастама «Заң және тәртіп» идеологиясы аясында жүзеге асырылуда. Мақсат – балалардың құқықтық нормаларды құрметтеуіне ықпал ету, құқыққа қайшы әрекеттерге жол бермеу ұстанымын нығайту. Бұл жолы прокурорлар оқушылар мен ата-аналарға жаңа Конституцияда бекітілген құқықтық тәртіп пен азаматтық жауапкершіліктің маңызын түсіндірді.