Қазақ тілін үйренем деген адамға қазір толық мүмкіндік бар. Оқу құралы, әдістеме де жеткілікті. Тек ниет керек. Әрі түрлі клубтар тегін қызмет көрсетуге көшкен. Мәселен «Менің елім-менің тілім» республикалық жобасы аясында «Сөйле» тілдесу клубы ашылған.
Жобаның негізгі мақсаты-мемлекеттік тілді дәріптеу және оқыту. Клуб біздің өңірде ғана емес, еліміздің 12 аймағында қызмет атқарып келеді. Ұйымдастырушылардың айтуынша, қазақ тілін меңгергісі келетін адамдардың саны артуда.
Дәріс әр сенбі-жексенбі сайын тегін өткізіледі.