ӨРТ СӨНДІРУ БЕКЕТІ АШЫЛДЫ

Төтенше жағдайларда жедел әрекет етуді қамтамасыз ету, ауылдық жерлердегі қорғаныс деңгейін арттыру және жалпы елді мекендердегі өрт қауіпсіздігін нығайту. «Ауыл құтқарушылары» бағдарламасын жүзеге асыру дәл осындай мақсаттарды көздейді. Бағдарлама аясында Мұғалжар ауданының Ақкемер ауылында өрт сөндіру бекеті ашылды. Бұл нысан Төтенше жағдайлар министрлігінің жобасы аясында Қазақстанда ұйымдастырылған 274-ші ерікті өртке қарсы құрылым болды.