ҚАЛА ӘКІМІ ЕҢБЕК АРДАГЕРІН ҚҰТТЫҚТАДЫ 

Қазыналы қарт - елдің ырысы, ұрпаққа жол көрсетер ақылдың кені. Жыл сайын 1 қазан - Халықаралық қарттар күні ретінде аталып өтеді. Бұл - өмір жолы өнегеге, көргені мен түйгені тағылымға толы аға буынға құрмет көрсетіп, ақ батасын алатын ерекше күн. Осы тұста қала әкімі Азамат Бекет ғасыр белесіне бір қадам қалған ақсақалды айтулы күнмен құттықтап, шаңырағында болды.