Қаныш Сәтбаев атындағы мектеп лицейі жаңа кабинеттермен толықты. Білім ордасында енді "Атамекен" деп аталатын кабинет бар.
Бұл балалар бойына ұлттық құндылықтар мен рухани-адамгершілік тәрбиесін сіңіруге арналған орын. Жас ұрпақтың патриоттық сезімін оятып, елге деген сүйіспеншілігін арттыруға бағытталған іс-шаралардың орталығы болмақ.
Айта кеткен жөн, көрнекті ғалым, Қазақстаннан шыққан тұңғыш академик Қаныш Сәтбаевтың туғанына 126 жыл толуына орай білім ордасында ғылым апталығы өтуде.