Биыл Хромтау ауданы Тасөткел ауылының құрылғанына 90 жыл толады. Композитор, әнші, облыстық халық шығармашылығы орталығының көркемдік жетекшісі Сейсен Айтжанов туған жерінде кеш өткізді.
Тасөткелдіктерге арналған «Сөз бен саз» атты концертте өңірімізге танымал өнерпаздар, мәдениет өкілдері сондай-ақ аудандық мәдениет үйінің шығармашылық ұжымы өнер көрсетті.
Ауылдың тарихы дәріптеліп қана қоймай, мәдени өмірі де назарға алынып, тұрғындарға ерекше көңіл-күй сыйлады. Кешке жиналған жұрт өнердің елді біріктіріп, рухты көтеретінін сезініп қайтты.