Биыл генерал Жансен Кереевтің туғанына 95 жыл толды. Қалада еске алу шарасы өтіп, көзін көргендер ескерткіш маңына жиналды. Олар гүл қойып, естеліктерін айтты. Шараға қарулы күштер мен ауған соғысының ардагерлері, тума-туыстары қатысты. Айтып өтейік, Жансен Кереев 1930 жылы Ырғыз ауданында дүние келген. Мектеп бітірген соң әскери оқу орнында білім алды. Ал 1950 жылы Сахалин облысы Курил аралдарында қызмет етті. 1956 жылы Кеңес әскерлерінің Алманиядағы тобына жіберіліп, онда 1962 жылға дейін әуелі атқыштар взводы, кейін рота командирі болды. Германияда, Ленинград әскери округінде жұмыс істеді. 1979 жылдан 1982 жылға дейін Еділ әскери округінің штаб бастығы болды.