ҰЛТТЫҚ ӘШЕКЕЙГЕ ҚЫЗЫҒУШЫЛАР КӨП

Өнер музейінде зергер Болат Атыраубаевпен кездесу өтті. Зергерлік, ұсталық, сурет және кескіндеме өнеріне 30 жылдан астам уақытын арнаған азамат тәжірибесімен бөлісіп, аталған саланың қиындығы мен қызығы туралы айтып берді. Сөзіне сүйінсек, бұрын зергерлік бұйымдарға тек шетелдіктер тарапынан қызығушылық болса, бүгінде еліміздің азаматтары дәстүрлі әшекей-бұйымдарға қызыға бастаған. Тапсырыс жетерлік. Зергер бүгінге дейін 10 мыңнан аса туынды жасап үлгерген.