ҚАЛАДА ШАҢҒЫ РОЛЛЕРІНЕН АЗИЯ КУБОГІ ЖӘНЕ ШАҢҒЫ ЖАРЫСЫНАН ҚР ЖАЗҒЫ ЧЕМПИОНАТЫ ӨТІП ЖАТЫР

Қалада шаңғы спортының жазғы маусымындағы маңызды халықаралық және республикалық жарыстары өтіп жатыр. Атап айтқанда, шаңғы роллерінен Азия кубогі алғаш рет, ал шаңғы жарысынан жастар арасындағы Қазақстан Республикасының жазғы чемпионаты екінші мәрте ұйымдастырылып отыр. Оған 10 өңір мен Астана және Алматы қалаларынан келген 150-ге жуық жас спортшы қатысуда. Ал шаңғы роллерінен Азия кубогінде 3 мемлекеттен 134 спортшы бағын сынауда.