АҚТӨБЕ ДӘМІ ЕЛОРДА НАРЫҒЫНДА 

Ақтөбе дәмі - Елорда төрінде. Өткен демалыста Астанада Ақтөбе облысының ауыл шаруашылығы жәрмеңкесі өтті. Өңірдің жиырмадан астам шаруа қожалығы мен қайта өңдеу кәсіпорны елордаға 200 тоннадан астам өнім жеткізді. Ет пен сүттен бастап, ұн, көкөніс, шұжық, балық және ұлттық сусындарға дейін бар. Ең бастысы - өнімдер елорда базарларындағы орташа бағадан 10-15 пайызға төмен сатылды.