БАДАМШАДА 4 ҚАБАТТЫ КЛИНИКАЛЫҚ-ДИАГНОСТИКАЛЫҚ БӨЛІМШЕ АШЫЛДЫ
“Ауылда денсаулық сақтауды жаңғырту» ұлттық жобасы аясында аймақта күні бүгінгі дейін 30-ға жуық медициналық нысан бой көтеріп, қолданысқа берілді. Ал күні кеше Қарғалы ауданының орталығы Бадамша ауылында су жаңа клиникалық-диагностикалық бөлімше ашылды. Заманауи үлгіде салынған 4 қабатты ғимарат барлық қажетті құрал-жабдықпен қамтамасыз етілген. Орталық денсаулығы сыр берген азаматтардың дертін дер кезінде анықтауға мүмкіндік береді.