АХМЕТ АМАНАТЫ – ТІЛГЕ ҚҰРМЕТ, ҰЛТҚА ҚЫЗМЕТ!

Ұлт ұстазының аманатын ардақтау – ұрпаққа парыз. Осындай ұранды желеу еткен "Қазақ тілі мен әдебиеті" бірлестігі бүгін қалада тағылымды әдеби кеш ұйымдастырды. Сахна төрінде оқушылар ұлт ұстазы Ахмет Байтұрсынұлының ғибратты өмір жолынан сыр шертетін көрініс қойып, тұлғаның ел үшін атқарған өнегелі еңбегін көрерменге әсерлі жеткізді. Әдеби кеште ақынның өлеңдері мәнерлеп оқылып, тіл тағдыры мен ана тілінің қадір-қасиетін арқау еткен арнау өлеңдер орындалды.