Аймақ басшысы Асхат Шахаров жұмыс сапарымен Қарғалы ауданына барды. Петропавл, Шәмші Қалдаяқов, Қосестек, Кемпірсай, Степной ауылдарындағы жол құрылысы, жарықтандыру, ауыл шаруашылығы, интернетпен қамту мәселелері қаралды.
Сонымен қатар, өңір басшысы ауданның туризмдік әлеуетін пайдалану мақсатында қолға алынған жұмыстармен де танысты. Айтып өтелік, бүгінде ауданда этно ауыл салынып жатыр. Қазақы нақыштағы демалыс орнында бірнеше киіз үй, атпен және жаяу серуендеу орындары бар.
Әсем табиғат аясында. Киіз үй құрылымында бірде бір темір мен сым жоқ. Бәрі бұрынғы қазақ өмірін еске салады. Өңір басшысы этно ауылға қарай жол салуға қолдау болатынын айтты.