Өңірде балалардың терезеден құлау деректері азаяр емес. Жыл басынан бері 8 жазатайым жағдай тіркелген. Салдарынан екі мен жеті жас аралығындағы жеті балғын ауыр жарақат алып, ауруханаға жеткізілді.
Бір бүлдіршін көз жұмды. Қайғылы жағдайлардың басты себептері – ересектердің баланы қараусыз қалдыруы, темір торлардың орнатылмауы.
Оқыс оқиғалардың алдын алу мақсатында облыстық төтенше жағдайлар департаменті «Қауіпсіз терезе» атты профилактикалық іс-шаралар жоспарын бекітті. Оның аясында қалада 330 көпқабатты тұрғын үй тексеріліп, тұрғындарға түсіндіру жұмыстары жүргізіп жатыр.