ШАҒЫН ЖИНАҚТЫ АУЫЛ МЕКТЕПТЕРІНІҢ ӘЛЕУЕТІН ДАМЫТУ
Облыста шағын жинақты ауыл мектептерінің әлеуетін дамыту үшін бастау алған пилоттық жоба оң нәтижесін берді. Жобаға қатысқан білім ордаларының алдымен материалдық-техникалық базасы нығайды, шалғайда орналасса да, интернет жылдамдығы артты. Мұғалімдер біліктілігін көтеріп, нәтижесінде оқу сапасы жоғары нәтиже көрсетті. Өңірге жұмыс сапарымен келген вице-премьер Тамара Дүйсенова пилоттық жобаны сәтті іске асырған облыс басшылығына оң бағасын берді. Республикалық семинар кезінде өзге өңірлерге үлгі етіп, алдағы уақытта бұл бағыттағы жұмыстардың қарқынын арттыруды тапсырды.