АУЫЛ БАЛАЛАРЫ ҚАЛАДА ДЕМАЛЫП ЖАТЫР
Су тасқыны кезінде жергілікті деңгейде төтенше жағдай жарияланған аудан, ауыл балалары қалада тынығып жатыр. Алғашқы ауысымда Темір, Ойыл, Мұғалжар аудандарының 200-ден астам баласы лагерьге келді. Ал екінші ауысымда 240-тан астам бала қамтылды. «ТАЛАНТ ТУР-2024» мәдени-ағартушылық, танымдық жоба қатысушылары қаладағы лицей – интернаттарға орналастырылды. Балалар мен жасөспірімдер шығармашылығы орталығы, музыка мектебі мерекелік концерт ұйымдастырып, мектеп психологі тренинг-жаттығулар жүргізді. Балалар бос уақытын тиімді пайдаланып, тамаша табиғат ғажайыптарымен тілдесуге, спортпен шұғылдануға мүмкіндік алды.