Ырғыз ауданы Нұра ауылында егіздер өмірге келді. Төтенше жағдайлар министрлігі және Әуе қорғанысы күштері әскери институтының қызметкерлері әуеден бақылау кезінде жас ана мен жаңа туған сәбилерді ауылдан, аудан орталығына жеткізді.
Жүкті келіншекті Нұра ауылдық амбулаториясының дәрігері Сәуле Сатаева босандырып алған.
Қазір қыздар мен анасы дін аман. Олар аудандық перзентханада, дәрігерлер бақылауында.
Айтып өтейік, бұл көпбалалы отбасы. Егіздермен 7 бала тәрбиелеп отыр.