Мәртөк ауданы Қамбар Медетов атындағы балалар өнер мектебінің тәрбиеленушілері көпжанрлы байқауда топ жарды. Сайыс балалар мен жасөспірімдер және ересектер арасында ұйымдастырылған.
Өнер мектебіндегі "Актёрлік өнер" класының өрендері Сұлтан Раевтың пьесасы негізінде "Алтын тәж" музыкалық комедия қойылымын сахналады. Сөйтіп жүлделі бірінші орынды еншіледі.
Сонымен бірге "Star quest-2025" өнер сайысында "Мейірім шуағы" драмалық қойылымын сахналады. Мұнда да жүлдеге ие болды.