Кеше кешкілік №630-шы пойыз «Ақтөбе – Қазалы» бағытында жолға шықты. Жаңа бағыт қосылып, ұйымдастырушылар жолаушыларға сәт-сапар тіледі. Теміржол вокзалында шағын концерт ұйымдастырылып, бір-біріне ақжол тіледі. Айтып өтейік, «Жолаушылар тасымалы» акционерлік қоғамының «Батыс» өңірлік филиалы «Ақтөбе – Шалқар» пойызының бағытын Қазалы бекетіне дейін ұзартуды жөн санаған. Шалқарға жол жүру құны өзгеріссіз қалады. Ал Ақтөбеден Қазалыға бару үшін билет құны плацкарт вагонында 5 786 теңге болса, купе 8 581 теңгені құрайды.