Мұғалжар ауданының әкімі болып Дархан Ермағанбетов тағайындалды.
Ол бұған дейін Әйтеке би ауданын басқарды. Өңір басшысы оны аудан активіне таныстырып, жаңа әкімге әлеуметтік-экономикалық даму және халықты жұмыспен қамту бағытындағы міндеттерді сапалы орындауды тапсырды. Өз кезегінде ауданның жаңа әкімі тұрғындардың өмір сүру сапасын жақсартуға және әл-ауқатын арттыруға бар күшін салатынын жеткізді. Дархан Жанысханұлы үш жоғары оқу орнын бітірген. 2008 – 2014 жылдары аралығында облыстық экономика және бюджеттік жоспарлау басқармасынан бастап, түрлі салада қызмет атқарды.
Ал 2014 – 2020 жылдары аралығында облыстық индустриялық - инновациялық даму басқармасы басшысының орынбасары және басшысы лауазымдарында еңбек етті.