Ақтөбелік студенттер тәртіп сақшыларына интернет алаяқтықтың жолын кесуге көмектеседі. Бүгін облыстық полиция департаменті мен Жұбанов университеті кибер қылмыстардың алдын алу мақсатында ынтымақтастық туралы меморандумға қол қойды.
Тараптар интернет-қауіптерден қорғауға бағытталған бастамаларды бірлесе жүзеге асыруға дайын екенін мәлімдеді.
Меморандум аясында студенттерге жеке деректерді қорғау, фишинг, аккаунттарды бұзу тақырыптарында дәрістер, тренингтер өткізу, алаяқтықтан қорғану дағдыларын қалыптастыру мақсатында оқу-жаттығу шараларын ұйымдастыру, киберқауіпсіздік саласында волонтерлік қозғалысты дамыту қарастырылған.