«Ақтөбе» Футболдан Қазақстан чемпионатының қола жүлдегері атанды. Түркістандық «Тұранмен» сынға түскен Игорь Леонов шәкірттері Қазақстан премьер-лигасының 2024 жылғы маусымының қорытындысы бойынша топ-3 орынды сақтап қалды. Командалар соңғы 26-шы тур аясында кездесті.
Қобыланды батыр атындағы Орталық стадионда өткен матч 2:0 есебімен алаң иелерінің пайдасына аяқталды. Нигериялық жартылай қорғаушы Уче Агбо және доминикандық шабуылшы Дорни Ромеро қанжығасын майлады.
Жеңіс «Ақтөбеге» 43 ұпай әкеліп, маусым қорытындысы бойынша қола медалді жеңіп алды.